|
|
THE BYRE
On ma fairm theres a byre
Fur coos and sheep tae bide in.
Its awfy long and awfy guid
Tae practise ma rugby flingin.
|
Hamish, age 8
Walston Primary, South Lanarkshire |
THE MOVE
I used tae live in Wigan toon.
And then I moved up here.
I learnt Scots words like doon and roon
And haun and oot and sair. |
Alice, age 8
Walston Primary, South Lanarkshire |
THE WUIDS
At my Nans theres a wuid
Its got a big steep slope
I climb and climb until at last
I git up tae the tope.
|
Liam, age 7
Walston Primary, South Lanarkshire |
A GAME
At ma hoose we kin play a game
But it always seems to be the same
Sometimes I get richt bored and scunnert
Cos ma dads getting awfy donnert. |
Ceri, age 7
Walston Primary, South Lanarkshire |
THE STABLE
Ma pownie Mousie bides in the stable
Tae keep her oot the cauld.
Shes wee and grey and always hungert
And shes twelve year auld.
|
Alison, age 7
Walston Primary, South Lanarkshire |
THE COO
It came intae this world on a cauld dreich night
Black as coal, smooth as silk
Wi big dork een
Curled up in a wee baw
Cooried intae the straw beside its maw
Lookin aroon the byre
Wi its wee hert thumpin
Waitin on a wee sook o its mammys milk
|
Murray, age 8
Walston Primary, South Lanarkshire |
MA GAIRDEN
In ma gairden I play fitba
Sometimes wi ma Dad
I jouk and dreeble aw aroon him
Sometimes he gits MAD!
|
Joseph, age 6
Walston Primary, South Lanarkshire |
MA SKILE
Ma skile is ower a hunner years auld
Its awfy braw but awfy cauld
It sits on a hill, all on its ain
Shops and cinemas there are nane.
|
Jack, age 7
Walston Primary, South Lanarkshire |
MA DADDY
Ivry day ma daddy goes oot,
Wearin his mingin clart boiler suit.
He needs tae gang tae the sheep,
Just tae mak shair theyre eatin the neeps.
|
Alison, age 7
Walston Primary, South Lanarkshire |
MA HOOSE
Ma hoose is muckle big
It has tae be,
Because in it bides ma Ma and Da,
Ma five brithers and me.
|
Natasha, age 7
Walston Primary, South Lanarkshire |
MY WEE PET CAT
Ma wee pet cat
I ca her Sammy tinker
Whiles she runs across the couch
And then I ca her Stinker
She really is a braw wee thing
She plays wae the ither twa
They run aw ower the bed
Watch you dinnae fa!
Thats about aw I kin say
Apart fae
I love her
Ma wee Sammy tinker
|
Kristina, age 8
Walston Primary, South Lanarkshire |
MA HOOSE
Ma hoose is doon at the bottom o a hill
On the way to Candymill
Beside ma hoose there is a stream
Where I look for sticklebacks wi ma een. |
Jennifer, age 7
Walston Primary, South Lanarkshire |
MA DUG SPIKE
Spike he is a bonnie dug
Wi muckle paws and twa big lugs
He might be twice the size o me
But he wouldnae hurt a flea.
Hes always awfy hungry
Nae matter what he eats
I canny seem tae fill him up
Wi bones and doggy treats. |
Andrew, age 8
Walston Primary, South Lanarkshire |
MA HORSE
In the stable ma horse bides
When shes no oot for rides.
A star on her heid, a lang black mane.
A sock on one foot, but the others have nane. |
Shannon, age 8
Walston Primary, South Lanarkshire |
THE BURN
Richt doon the side o ma hoose
Runs a little burn.
Its there ma mam lets us loose.
We gang withoot a gurn.
To oor very own wee bit o saun
We love to play aboot
Or catch a fish wi just a haun
A minnow or even a troot.
|
Hannah, P4
Walston Primary, South Lanarkshire |
MA CAIRTIE
Ive goat a richt braw cairtie
In it Im Colin McCrae
I turbo speed it roon the hoose
Hey there! Git oot ma wey.
|
Jack, age 8
Walston Primary, South Lanarkshire |
Scots
Poetry from Walston Primary, South Lanarkshire
THE PSYCHO
There wis a psycho mad man that lives doon the road
Hes goat a lang skinny neb and he looks lik a toad
Ah wis playin keepie-uppie against his waw
Bang, skelp, wallop! Aw naw, ahve loast ma baw
It goes skitin through the air and richt through his windae
He says ah did it and ah say naw, ah didnae
He went intae his pocket and brocht oot a knife
He held it up tae me and threatened ma life
Ah ran lik a whippet across the street
Ah knew that if he caught me ahd be doon six feet
Ah ran and ran and shimmied up a tree
Thats when ah got stung by a bealin bumblebee
Ah fell oot the branches and went rollin doon the hill
The psycho wis runnin at me lik a howlin ragin bill
He finally caught me in the end
Aw he wantit wis a friend. |
Billy Martin, S1
Kilbirnie Academy, North Ayrshire |
FIREWORKS! FIREWORKS!
Fireworks, fireworks, sae very bricht,
Fireworks, fireworks in the sky at nicht.
Bangin loud in the sky sae proud
Lightin the faces o the happy crowd.
Bang! Bang! Bang! as they go roon an roon
Smiles nae mair, shes lyin oan the groon
Firwork hit her, it stunned the folks
Ye widnae believe it it gave me the bokes.
Noo theyre greetin cause she is deid
A big bad firework hit her oan the heid.
WATCH OOT! FIREWORKS ARE ABOOT! |
David Boyd, S1
Kilbirnie Academy, North Ayrshire |
Poem by Andrew Currie, S3 Marr College,
Troon
(Winner of the Scottish Road Safety
Campaign Competition)
|
The Deils Lang Deid
The deil ower there
He wants for only wan thing
For us up here
And him doon there
Gives him troubles
And his minions despare.
Our dear souls are whit he wants
Hed boil them in a mockit big pot.
But dinna go greetin tae yer mammy
Coz theres wan big lad
Named auld big Sammy
who sent the deil to his unco grave
and he saved the world and went back tae his cave
So noo puir creatures dinnae worry
The deils all gone hes sittin at hame sorry.
|
Andrew Currie, S3
Marr College, Troon |
SCOTS
POETRY FROM LANGLANDS PRIMARY SCHOOL
HALLOWEEN
Halloween is
Awfy scary. Neep
Lanterns aa
Lichtit up.
On the nicht
We go guisin
Een auld wifies are frichtit.
Eatin roast nuts
Niver fails. We aa like
Them the best!
|
Hannah Scott, P7
Langlands Primary School, Forfar |
SCOTS
POETRY FROM BANNOCKBURN PRIMARY SCHOOL
A TOAST TO THE LASSIES
The Bannockburn lassies spend loads o money
And because they do, they each think theyre a honey
Theyre always wearing the latest style
Its enough tae mak ye rin a mile
They think theyre braw in their classes
I think half o them need tae wear glasses
Some are good yins and some are baddies
But they arenae as bad as some o us laddies
Oot in the playground they always scream
As if they were in a fitba team
Some we love, some we hate
But overall oor girls are great
So gentlemen please be upstanding and raise your glasses In a toast
tae oor braw, braw Bannockburn lassies! |
Gregor Gellatly, P7
Bannockburn Primary School, Stirling |
A TOAST TO THE LADDIES
Our Bannockburn laddies hink theyre sae cool
Maist o them hink that they rule the school
They prance aboot as if on a stage
But maist o them should be locked up in a cage
Some are daft and some are smert
And some dinnae even hae a hert
Some are mad and some are crazy
But maist o them are plain hert-lazy
Their grannies say theyre awfy sweet
But maist the time theyd mak you greet
Dinnae say I said this but some are really braw
Even though some are gleikit and wid fleg the birds awa
But if you compare them tae aw the rest
Of course oor laddies wid come oot the best
Sae ladies, wid yous be upstandin
And raise your glesses
In a toast to our braw Bannockburn laddies.
|
Nicole McDonald, P7
Bannockburn Primary School, Stirling |
